哥我呢，很重口味，
唔單止鐘意去主題樂園，更鐘意去萬聖節版既主題樂園，
所以今年就決定挑戰一下萬聖節版既USJ (Universal Studio Japan)，
因為呢兩年USJ既廣告賣得好勁，好似好好玩咁，
而且日本出名鬼屋，所以就衝衝USJ。
不過，我聽到好多朋友都話USJ好難玩得哂D機動遊戲，
除非你買定USJ快証，
而我出發之前都做好哂準備爬定文，
得出黎既結論係，最好真係買定張USJ快証，
否則熱門既機動遊戲要大約等3個鐘左右吧！
當中包括「哈利波特禁忌之旅 in 4K3D」、「飛天翼龍」、「侏儸紀公園‧乘船遊」，
呢D都係樂園當中既熱門機動遊戲，
所以買Universal Express® Pass 4~ Standard ~就最適合我，
因為呢張快証包含既項目有
「哈利波特禁忌之旅 in 4K3D」
「蜘蛛俠驚魂歷險記 乘車遊 4K3D」
「魔鬼終結者 2:3-D」
或 「侏儸紀公園‧乘船遊」
「大白鯊」
或 「浴火赤子情」
都係比較多人玩既機動遊戲，
而最重要既就係如果買定快証的話，
就會幫你預約堆哈利波特園區既時間，
包可以入園，由於呢個係我今次行程其中一個既重點，
於是我就決定買Universal Express® Pass 4~ Standard ~既快証，
雖然600幾蚊港幣真係一D都唔平，但為左可以盡量玩哂所有機動遊戲，
俾多少少錢都要既...
除左Express 4外，USJ仲提供Express7同15周年Special～環球Express®門票俾大家選購，
所有快証大小同價、價格會因入場日而有所唔同，
如果大家要查詢的話可以自己入以下官網睇睇，我亦都唔詳盡介紹。
https://www.usj.co.jp/hk/ticket/express_pass.html
唔知係唔係我好彩，
我去USJ個日咁岩日本打風，
而大阪真係落足成日大雨，
我原本以為會無咩人玩，但我發覺我大錯特錯，
人流呢回事係完全無少過，我去個日原本係屬「大混」，
即使打風，最後既感覺都係「平常」，
係比USJ人流預計網的少一點點，
因為就好似「哈利波特禁忌之旅 in 4K3D」咁，
等候時候需要180分鐘，你無聽錯，係要等3個鐘，
下圖已經列出不同內容既入園人數預測，
每次大約預計未來2個月左右，
所以大家計劃行程不妨入入網站睇下你去個日多唔多人去，
http://park14.wakwak.com/~usj/kon.htm
講完買入場門券呢個步驟，
就講下USJ入面既機動遊戲，
我首推「哈利波特禁忌之旅 in 4K3D」，
4K3D視覺效果就好像俾我同哈利波特組隊，
騎住飛天掃帚參加魁地奇球賽，雖然短短5分鐘，
你會比催狂魔追擊，同噴火巨龍飛天搏鬥，
好有壓迫感好似真既一樣，最重要岩哂一家大細去玩。
講起「哈利波特禁忌之旅 in 4K3D」，咁我就講埋哈利波特園區，
由於買左Universal Express® Pass 4~ Standard ~既快証，
我亦都有「保證入園劵」 ，所以已經可預約定入園時間，
我既入園時間係正午12時45分左右，
由於我入園當日打風，所以哈利波特園區人數並唔算多，
不過我所知既係平時如果唔買定快証，
好容易就入唔到哈利波特園區。
呢個就係哈利波特園區既地圖。
http://www.usj.co.jp/tw/common/studiomap_jpg.html#hpmap
一入到園區，美輪美奐既活米村就係眼前，
呢個係巫師居住的村落，亦都係霍格華茲魔法與巫術學院既學生們也經常登門光顧既商店，
大家可以買到 「朱古力蛙」、「帕蒂全口味豆」，
仲可以買到適合自己既魔杖，令一眾粉絲完完全全可以投入哈利波特既世界之中。
當然入到哈利波特園區，有一種飲料一定要試，
就係相當受歡迎既奶油啤酒，
佢係一種好似奶油糖既無酒精飲品，
係真係超級好味道，想一試再試，大家可以到三根掃帚或豬頭酒吧買到，
大家仲可以試下佢既豬助骨粟米套餐，飽肚且好味道！
即使大家唔玩或者玩唔到遊樂設施，仲可以去霍格華茲城堡內睇睇，
真係好似書內咁，有 「活動肖像畫走廊」、「胖夫人肖像畫」等，
霍格華茲城堡既日夜景都係真靚到不得了，
令我完全唔想離開！
除左哈利波特園區，第二樣必玩既一定係好萊塢美夢 乘車遊～逆轉世界～ (Hollywood Dream The Ride)，
有向前同向後行駛版本，
先從背後往上提升後急劇下降，我覺得好玩過香港既過山車多多聲，
想睇下有幾多激，大家可以到網站先睇下佢既介紹！
http://www.usj.co.jp/tw/attraction/hdr_bk.html
而打風既日子，我都等左1個半鐘，
所以呢個機動遊戲真係好受歡迎！
如果鐘意玩機動遊戲既你，唔少得玩飛天翼龍啦，
今年剛開既世界最長 × 世界最大高低差最先進雲霄飛車登場，
被暴走既恐龍無齒翼龍捉住背部，有360度大迴轉，
超級刺激。
如果你真係怕玩刺激既機動遊戲，
大家不妨去玩
太空幻想列車、
侏儸紀公園- 乘船遊、
蜘蛛俠驚魂歷險記- 乘車遊 4K3D等，
只係唔好去玩
浴火赤子情 (Backdraft)，
因為真心有少少無聊，如果你無睇Backdraft呢套戲既話，
哈哈，因為呢個遊戲需時20分鐘。
如果你要好好計劃自己係USJ既一日行程，
不妨先睇下USJ個地圖，我建議先玩最入既機動遊戲，
因為最近正門既機動遊戲的人流比較多，
http://www.usj.co.jp/tw/common/studiomap.html
不過唔知我係好彩定唔好彩，
由於打風，人流比較少，我基本上玩哂所有機動遊戲，
但係呢，所有既街頭Show就取消哂，因為真係落太大雨啦！
再講講萬聖節版既USJ，
大家唔需要買門票再入萬聖節版既USJ，
因為樂園方面會在不同時段慢慢把遊戲轉為萬聖節版本，
大家可以到以下網址睇下今年萬聖節有D咩既遊戲，
http://www.usj.co.jp/tw/halloween2016/
除左Trauma2之外，基本上其他遊戲都能夠完成，
Trauma2是今年萬聖節版USJ最惡怖既遊戲，
而且要收費，因為今次買門票已經用左好多錢，
所以都係留番D錢係第二度用好了。
先講講The Exorcist、The Maze以及Chucky's Horror Factory 3，
3個遊戲都係鬼屋遊戲，
官網寫既惡怖等級係LV4，
如果閣下需要嚇死你既鬼屋的話，
我只可以講呢3間鬼屋唔太岩你，
氣氛有，但係唔係恐怖就見仁見智，
不過內裡的確同電影既情節係一樣，特技一流！
而且最好既就係，日本既鬼係唔會惦你，
唔似得香港捉實你，有恐怖氣氛之餘係好好既鬼屋體驗。
而且呢3個遊戲都可以拎時間整理劵，
先到先得，而拎整理劵既地方係Stage14，
而玩既地方就係蜘蛛俠驚魂歷險記- 乘車遊 4K3D旁，
建議一入樂園第一件要做的事就去拿取時間整理劵。
反而令人驚喜既，係樂園既2個將被詛咒的遊樂設施，
包括魔鬼終結者 2：3-D以及浴火赤子情，
就例如魔鬼終結者 2：3-D Crossover貞子，
全個故事完全加入貞子元素，
另外加上舞台劇既情節及特效，
的確增添恐怖氣氛，加上日本妹係場內既驚叫，全件事都好鬼配合。
反而我覺得大家可以去玩玩呢兩個遊戲，
當然更令人投入既係，街上有好多人扮喪屍，
真係扮得似模似樣，仲會係街到扮食人既場面，
當然啦，你愈驚，D喪屍就更加追住你，
架妹真係叫到好大聲，好好笑，
你會見到D人周圍跑！
不過講到最利害既表演，就係哈利波特園區內既活米村會有「食死人的攻擊」既娛樂節目，
黑暗魔法師「食死人」會同霍格華茲學生上演一場生死鬥，
所有遊客都會一齊被捲入電影中既場景，
充滿壓迫感，因為食死人真係係你面前呢，
其實都真係幾型！哈哈！
雖然萬聖節USJ無我想像中咁恐怖，
不過我覺得樂園既特效都值回票價，
如果有小朋友但想玩樂園點算好？
樂園貼心咁將「環球奇境」部分都列為零喪屍區域，
等大家可以同小朋友直接到樂園門口。
最後，我買到萬聖節版既Minions爆谷桶，
係唔係好想要呢？
呀！順便一提，如果你問我最鐘意既園內手信，
我一定必掃哈利波特POSTCARD，
700YEN包兩張52YEN哈利波特版郵票，
最重要既係有貓頭鷹獨家郵CHOP，
只有係大阪USJ既貓頭鷹郵局寄出先有呢個印，
對於我呢個POSTCARD迷黎講，
點能夠唔買張呢？
CONTACT DETAILS
INSTAGRAM: CABINCREW.DREW
FACEBOOK : 貪玩空少安德魯
