這個世界上，存在著好多人，
而每個人都有著唔同既生存意義。
有人可以為左可以住豪宅，揸靚車，
人生既目標就係搵個有錢佬嫁左去。
有人可以為左升職上位， 踩住人上、俾屎人食。
有人可以為左搵好多錢， 加班搏表現，希望早日上岸。
有人為左錢以及社會地位，可以違背良心，
做出傷天害理既事。
朋友跟我分享左一個故事，
故事既主角係一個年輕既AO，
大家都話佢好幸福，成長於中產階級，
而且又讀得書，仲可以搵好多錢。
不過朋友從佢屋企人口中得知， 佢過得一啲都唔開心，
的確做AO可以搵好多錢， 不過壓力係無人能夠想像，
於是，最後個女仔就辭職，去左做空姐。
好多人會講，「乜咁徙嫁，咁叻做AO，做乜要去做遞餐既空姐」，
我只係想講，你理得人姐，
人地做乜關你乜事，只要活得開心，
又能夠養活自己，就係對父母一個交代。
你覺得人地做到AO係一種成就，
可能人地覺得佢可以周圍去唔同國家走先係最威水既事。
人生活係呢個世界，都係短短既七十幾八十年，
你會選擇攬住啲錢過，定係在世界各地睇得更多。
我就選擇了後者，當然，我咁講得既，我都唔係先使未來錢既人，
雖然我去過好多地方，不過我都係用我省落黎既錢去旅行，
我都唔會想因自己去旅行而成為屋企人既一個負擔，
有時我有朋友講，「你就好啦，可以去咁多地方！」
有時候我都會想答翻句， 我儲錢既時候，你又知道嗎？
當然，除左儲錢之外，
我都會識點樣去計劃自己，
無論係生活、健康定係工作，
我會為自己未來籌備不時之需，
所以我尤其睇重保障呢樣野（可能我個人無安全感啦！哈～)
畢竟成日周圍飛，我呢個看似風光既職業，
其實都令屋企人幾擔心，
每次有咩突發事件， 佢地就會心驚膽跳，
所以我每一次去旅行出發之前一定會買下一份保險，
最少遇上緊急事上來，都會有個保障，
有D野你expect唔到會發生，但起碼可以做D準備，唔使有需要既時候就唔知如何是好。
保障呢樣野個個都識講，
但係好多人其實都未有咁多保障既意識，
最簡單去旅行咁，
幾千蚊既機票錢都出左，
何必又吝嗇個百幾蚊買個旅遊保險呢？
多極都係幾百蚊， touch wood講句，
被人打荷包、或者寄失行李都叫有後著呀！
尤其係而家大家都興去working holiday～
長則一年半載，短則都大半年，
人在異鄉，就更應該要為自己考慮多D，作好準備。
Anyway～人到咁上下年紀都真係要識得為自己plan一plan，
即使结果係唔係同預期一樣，
遺憾都少好多麻！
CONTACT DETAILS
Drew's Facebook: https://www.facebook.com/cabincrew.drew
Drew's Blogspot: http://cabincrewdrew.blogspot.hk/
INSTAGRAM: CABINCREW.DREW
FACEBOOK : 貪玩空少安德魯
